Destacada

Apertura prazo alta familias socias 2022-2023

Ábrese o plazo de alta de familias socias da ANPA para o curso 2022-2023. Aquelas familias que xa foron socias por favor lembrade que non se renova automáticamente nin está domiciliado, polo que agradecemos se tramitades a alta de novo. Debaixo tendes o link con toda a información.

Ser familia socia permite ter acceso tamén a tarifas reducidas no servizo de madrugadores, actividades extraescolares, saídas, etc.

https://forms.gle/sxhNKyxCqs34jRzz6

Grazas pola vosa colaboración!

Destacada

Actividades extraescolares 2022-2023

Adxuntamos a proposta de actividades extraescolares para o vindeiro curso. Coma sempre, a súa realización estará suxeita a acadar o número mínimo de alumnado.

As principais novidades deste curso son:

  • Continúanse coas actividades de Judo (UDC), Hockey (Clube Oleiros) e Baile (Sadanza)
  • Desdóbrase Multiactividade en Teatro e Xadrez
  • Mantense Multideporte
  • Mellórase Inglés, desdobrando grupos por idades e replantexando a actividade para incrementar a súa calidade
  • Incorpóranse Ximnasia Rítmica (Acordes) e Robótica (Robotix)
  • Ofértanse actividades extraescolares o venres (Robótica)

Colgamos neste mesmo enlace as vías de inscrición nestas actividades. Esperamos que esta oferta sexa do voso interese e que o alumnado as desfrute. Por favor, lembrade que a inscrición ten que realizarse sempre antes do día 20 do mes anterior, ao igual que as baixas ou modificacións.

Nota: As novas solicitudes de Robótica e Baile (Infantil e Primaria) incorporaranse a lista de agarda, ao acadar o número máximo de participantes.

As tarifas continúan sendo 19 euros/2 horas á semana para socios ANPA e 21 euros/2 horas á semana para non socios, agás Judo (20 socios e 22 non socios) e Robótica (1,5 horas; 35 socios e 37 euros non socios)

Destacada

Servizo Madrugadores

Este ano tamén teremos servizo de madrugadores de 7:30 a 9:00 con posibilidade de almorzo.

Recordámosvos as tarifas:

Con almorzo
Socios ANPA: 46 EUR/mes
Non socios ANPA: 51 EUR/mes
Días soltos: 4 EUR/día


Sen almorzo:
Socios ANPA: 34 EUR/mes
Non socios ANPA: 39 EUR/mes
Días soltos: 3 EUR/día

Para facer a inscripción, podedes acceder ó enlace inferior clickando en Área de clientes- CEIP Rabadeira (usuario: rabadeira e contrasinal: comedores2022). Tanto os usuarios fixos como esporádicos deberán facer a inscrición antes do 26 do mes anterior. O servizo de almorzo é realizado por Jardanay comedores:

www.jardanay.es

En caso de utilizar o servizo en días soltos, podedes acudir directamente a madrugadores, onde se adquiren ós monitores vales por un ou máis días. Por favor recordade que en todo caso é necesario rexistrar ao alumno/a previamente no enlace anterior. En caso de necesitar o servizo de maneira urxente e non ter inscrito ao alumno/a a finais do mes anterior, por favor escribide a anpaensinorabadeira@gmail.com con aló menos 24h de antelación.

Para facervos socios da ANPA podedes acceder ó enlace inferior:

Formulario Inscrición

Calquera dúbida, coma sempre, podedes escribirnos a anpaensinorabadeira@anpaensinorabadeira

Charla Educación Sexual en Familia

Grazas a toda a comunidade educativa e en particular a Carol Strate pola interesantísima charla de onte organizada pola ANPA sobre a Educación Sexual en Familia.

O alumnado de Primaria recibirá tamén, coa colaboración do Centro, charlas/obradoiros durante o curso financiados pola ANPA, que esperamos que sexan a semente para unha educación sexual, natural, integral e inclusiva. Seguiremos informando.

Programa de reforzo e apoio educativo Concello Oleiros- PRAEMO

Remitimos a información por se é do voso interese. O prazo remata o 14 de outubro.

http://www.oleiros.org/web/concello-oleiros/c-ensino-e-xuventude/xuventude/praemo

Programa Igualdade Rabadeira- Educación sexual

Dende a ANPA, e coa colaboración do Centro, propoñemos este ano unhas charlas e obradoiros sobre educación sexual, tanto para pais/nais/titores como para o alumnado, dende unha visión natural, integral e inclusiva.

Co fin de dar a coñecer esta iniciativa e comenzar este ciclo de obradoiros, gustaríanos convidarvos a esta charla dirixida a familias e comunidade educativa, e impartida pola Dra. Carol Strate, xinecóloga e impulsora da iniciativa @alumbramujer. Terá lugar o vindeiro venres 23 de setembro ás 17:00 no salón de actos do colexio e contaremos co apoio dunha ludoteca par ao alumnado con fin de facilitar a conciliación familiar.

Por favor, cubride o formulario inferior para confirmar a vosa asistencia. Esperámosvos!

https://forms.gle/3UE4JHzLCdzRJERd7

https://alumbramujer.com/

Programa Igualdade Rabadeira- O Deporte non ten xénero

Un ano máis presentamos a iniciativa «O Deporte non ten Xénero», onde buscamos fomentar a participación do alumnado en actividades deportivas, máis aló de estereotipos ou roles existentes. Unha das iniciativas consiste en difundir, coa axuda do Concello de Oleiros, a ampla oferta deportiva da nosa contorna, fomentando unha participación igualitaria de nenos e nenas.

Para elo, do 19 ao 30 de setembro, en horario de 15:00 a 16:30 de luns a xoves, o alumnado do CEIP Plurilingüe Rabadeira poderá acercarse, dunha maneira práctica e totalmente gratuita, aos deportes que incluimos a continuación. É imprescindible cubrir o formulario inferior para anotarse. Os nenos/as serán recollidos directamente do comedor e entregados ás súas familias ás 16:30 na porta de Primaria. En caso de non comer no comedor e vir dende casa, por favor, indicádeo no campo «observacións». A data límite para anotarse é o domingo anterior á semana de celebración da actividade.

https://forms.gle/wABKrmEEuQHSRUfUA

O plan sería:

Crea tu sitio web con WordPress.com
Comenzar