Diseña un sitio como este con WordPress.com
Comenzar

Festa fin de curso 2022-2023

Un ano máis presentamos a festa de fin de curso o vindeiro mércores 21 de xuño, de 16:00 a 20:00 no CEIP Rabadeira. A celebración consistirá en:

  • Exhibición/actuación/demostración de actividades extraescolares (de 16:00 a 17:00): Judo, Ximnasia Rítmica, Baile Moderno no pavillón. As familias poden acceder a partir das 15:55 polo exterior do pavillón
  • Recepción e despedida de 6º Primaria. Benvida ás familias de 4º Infantil e novas familias (17:00) no pavillón
  • Demostración de robótica na zona de madrugadores (17:30)
  • Merenda (18:00)
  • Actuacións voluntarias «Rabadeira ten talento» (ex. pandereteiras, malabarismos, etc.). Fin de festa con xogos e karaoke (18:30)

Coma noutras ocasións, agradecemos se podedes cubrir o formulario adxunto para dimensionar a festa. Lembramos que é unha celebración familiar e debe estar sempre presente un adulto responsable do alumnado.

https://forms.gle/AXJbpg8NGZmQoVL2A

Coma sempre, faremos recollida para o banco de alimentos Rías Altas. Neste caso produtos non perecederos coma galletas, arroz, pasta, conservas, legumes secas, etc.

Campamento de verán

Despois de analizar diversas opcións, ofrecemos o campamento de verán «A Rabadeira Verde», que se centrará en actividades medioambientais co obxectivo de que o alumnado desfrute dun eco-verán. Tamén farán aló menos unha saída á semana, incluida no prezo (transporte, monitorado, etc).

Debaixo o formulario de inscrición. Para calqueira duda podedes contactarnos en anpaensinorabadeira@gmail.com ou no contacto de Axiña actividades@axiñasd.com.

Esperamos que desfruten desta proposta!

formulario-modificadoDescarga

Excursión fin de curso Marcelle

Coma xa vos anticipamos, dende a ANPA estamos a organizar unha excursión de fin de curso a Marcelle.

  • A saída sería en autocar o día sábado 17 de xuño de 2023 dende o noso colexio.
  • A saída NON incluiría a comida polo que cada familia debería achegar a súa.
  • Teríamos acceso a 6 horas no parque de Marcelle, con visita guiada á zona aberta e tamén á reserva, unha actividade para todos (teatro marionetas ou tiro con arco) e reserva de mesas para xantar dentro do parque.
  • O prezo sería de 25 euros/persoa para familias NON SOCIAS (10 transporte+15 entrada) e de 15 euros/persoa para familias SOCIAS (transporte subvencionado)
  • Formulario para a inscrición (a cubrir por todas as familias mesmo se fixestes a enquisa previa): https://forms.gle/BNB2Si8X1doSxBYw5

A data límite de inscrición é o 10 de xuño (pagos ata o 14 de xuño na conta da ANPA ES75 2080 0202 3730 4003 2477 , indicando Marcelle + apelidos do neno/a)

marcellenatureza.com