Suspensión actividades extraescolares

Prezadas familias.

Tendo en consideración a situación actual, a orde do 26 de xaneiro de 2021 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia e as consultas realizadas a diversas partes, vémonos obrigados a suspender as actividades extraescolares a partires do 1 de febreiro e aló menos ata o 17 de febreiro.

Sentimos as molestias que esta decisión poda causar pero consideramos que é o máis axeitado dadas as circunstancias e as indicacións recibidas.

Por favor, comunicade ao centro (ceip.rabadeira@edu.xunta.gal) se os nenos/as afectados que teñan servizo de bus concedido os venres utilizarán o transporte ou se polo contrario serán recollidos no centro. Os que non teñen servizo de transporte deberán ser recollidos no centro ás 15:00. Os nenos que leven identificación (Infantil e 1º/2º Primaria) deberían modificar a tarxeta.

Este cambio non afecta as actividades de mañá xoves 28 de xaneiro. Demos eso sí instrucións as empresas/clubes para que estas teñan lugar, na medida do posible, no exterior (patios) do centro, coma sempre respectando os grupos estables de convivencia e as medidas de seguridade establecidas no protocolo. Como sabedes tamén, o uso dos pavillóns e instalacións deportivas non está permitido dende as 0.00 de hoxe.

Tanto Serocio como o clube de Hockey poranse en contacto directo coas familias usuarias do servizo para informar polo miúdo desta suspensión.

Esperamos que esta situación mellore nas vindeiras semanas e podamos retomar as actividades o máis cedo posible. Manterémosvos informados a través desta canle.

Informar tamén de que o servizo de madrugadores non sofre cambio algún.

Recibide un cordial saúdo e todo o noso agarimo nestos momentos. Coma sempre, podedes localizarnos en anpaensinorabadeira@gmail.com.