Iniciativa Igualdade- «O Deporte non ten Xénero»

Como xa vos anticipamos, a nosa ANPA recibiu unha subvención da Consellería de Emprego e Igualdade da Xunta de Galicia (Secretaría Xeral da Igualdade) para dous proxectos relacionados co Deporte e a Música dende unha perspectiva de xénero.

Dentro do primeiro proxecto, «O Deporte non ten Xénero» buscamos fomentar a participación do alumnado en actividades deportivas, máis aló de estereotipos ou roles existentes. Unha das iniciativas consiste en difundir, coa axuda do Concello de Oleiros, a ampla oferta deportiva da nosa contorna, fomentando unha participación igualitaria de nenos e nenas.

Para elo, do 13 ao 30 de setembro, en horario de 15:00 a 16:30, o alumnado do CEIP Plurilingüe Rabadeira poderá acercarse, dunha maneira práctica e totalmente gratuita, aos deportes que incluimos a continuación. É imprescindible cubrir o formulario inferior para anotarse. Os nenos/as serán recollidos directamente do comedor e entregados ás súas familias ás 16:30 na porta de Primaria. En caso de non comer no comedor e vir dende casa, por favor, indicádeo no campo «observacións».

https://forms.gle/TUDJj6RexRVURCfQ7

_{(a data límite para a inscrición será a noite do sábado ao domingo anterior a cada actividade)}

Esperamos que esta iniciativa sexa do voso interese, que o alumnado disfrute co acercamento a estes deportes, e que axude tamén á conciliación das familias neste mes de inicio de curso.

Concesión subvención Igualdade